КЫЗЬӦД НЭМ

Кор мортыс яйсӧ жариттӧг на сёйис
Да корйӧн весиг яндзимсӧ эз дзеб,
Эз тӧдлы, дерт, мый сэтшӧм сьӧлӧм дойыс,
И мӧвпнас югыд аскиӧ эз лэб.

А менам тӧждыс — этша вылӧ — море,
И уна вылӧ — быдса океан.
Ме лунысь-лун пыр мыйкӧ вӧча-дора,
Мед олӧмыслӧн югдіс чужӧмбан.

Век лёкыс-пежыс меным паныд мунӧ,
Войнаӧн бара грӧзитчӧ со пыр.
И главнӧй тӧждыс кызьӧд нэмса лунӧ —
Мед ачыс олӧм му вылысь эз быр.

Ме чайта тадзи: лёксӧ вермас бурыс.
И локтысь йӧзыс помнитасны мед,
Мый сьӧкыд ноп мен коркӧ нуны сюрис,
Мый буретш ме эг мусӧ сотны сет.