* * *

Лымйыс сапкӧ и сапкӧ, и сапкӧ,
Вӧчӧ мамӧлы чышкысян удж.
Тӧлыс лэчыд жӧ, чужӧмтӧ тшапкӧ,
Он кӧ лӧнинӧ туй шӧрсьыс вудж.

Но а челядьлы веськодь тай тӧлыс,
Кильчӧ помсяньныс гижтӧны кыр.
Ме ӧд на кодь жӧ коркӧ дзик вӧлі,
Гортӧ турдытӧдз вӧлі ог пыр.

Кадыс муніс тай, муніс тай, муніс,
Регыд лымйыс моз едждӧдас юр.
Но ӧд томлунӧс эг на ме вунӧд —
Даддьыс мен вылӧ оз ӧмӧй сюр?

Тола вомӧныс кыр йылӧдз воа,
Сэсся шутёвта, аддзисны мед.
Тшӧтш жӧ исковта. Лоас мый — лоас,
Енмӧй, горулас воны кӧть сет.