ЭНОВТНЫ ПОЗЬТӦМ УДЖ

Оз артмы кывбур — дӧзмылан жӧ эськӧ,
Но колян — коркӧ воас бурджык здук.
А мый нӧ лоас, овны быттьӧ весь кӧ,
Кор гӧран-кӧдзан кадыс воас тшук.

Он, сэки асьтӧ некыдзи он бурӧд,
Сэк тэнӧ бытьысь корас ловзьӧм му.
Кӧть сэки этша шедлас кынӧм нурыд,
Кӧть ун оз шедлы — кыв ни джын он шу.

А кывбур? Кывбур — сійӧ бытьысь лоас,
И сэні лоас уна югыд кыв,
Мый арыс лышкыд урожайӧн воис,
Мый сиктын кылӧ кыпыд сьыланкыв.