ПРИМЕР

Шонді ыпйӧ ыджыд жарӧн:
Эз на кымӧр сайӧ вудж.
И райкомса секретарӧс
Пӧсьӧдӧма гожся удж.

Лӧсьыда жӧ ытшкӧ-ӧвтӧ,
Тӧдчӧ: киподтуйыс бур.
Сиктса йӧзкӧд куртӧ-чӧвтӧ,
Зорӧд дорӧ вайӧ юр.

Йӧзӧс ышӧдӧ примерыс,
Кыдзи гажа сьыланкыв.
Весиг повзис локтысь зэрыс,
Косӧн колис ласта выв.

Кыптас талун уна зорӧд,
Быттьӧ керка, тан и сэн.
Тадз жӧ эськӧ йӧзыс дорӧ
Быд лун петавны и мен.