* * *

Пемыд вой, а бара на ог узь,
Бара аслам кывбуръясӧн ола.
Войыс тӧвся. Сідзкӧ, бура кузь,
Уналаӧ мӧвпъяснам на вола.

Мыйла эськӧ-й гижныс колӧ мен?
Водны эськӧ, чӧскыда зэв узьны.
Но ӧд пыр жӧ аскӧд кыптӧ вен,
Абу, мися, олӧмыд зэв кузь нин.

Каитчыны мӧдан, мися, тэ,
Он кӧ кут тадз ӧтка биӧн овны.
Абу эськӧ енлы эскысь ме,
Но ӧд лоӧ тадз шуӧмсьыд повны.

Гашкӧ, збыльысь корся ассьым лад,
Гашкӧ, мыйкӧ шогмана кӧть петас...
Аттӧ кутшӧм этша, вӧлӧм, кад
Ӧти войлӧн тайӧ вӧльнӧй светас.