ВИЧЧЫСЬӦМ

Чунькытшъяс вӧчалӧ юыс,
Гашкӧ нӧ, тэныд да мен?
Сӧмын тай батьӧ мен шуис:
Эн на пӧ тэрмасьлы, эн.

Мича жӧ банйыштӧм арыс,
Быттьӧкӧ помасьтӧм вӧт.
Батьӧ дзик нинӧм эз гарышт,
Аддзысьлӧм быттьӧ оз тӧд.

Лымйыс ӧд збыльысь зэв мича,
Помнит, мед нинӧм оз вун.
Батьӧ, кӧть тэнӧ оз вичав,
Казьтылӧ пӧшти быд лун.

Уна жӧ му вылас дзоридз,
Сад пиын дзик гӧгӧрбок.
Мусаӧй, батьӧ ӧд корис,
Котӧртам тӧдмасьны лок.