КӦСЙӦМ

Йӧктыны кӧсъя,
Некод оз пет.
Сьӧлӧмӧй ӧзъяс,
Гӧлӧс оз шед.

Небыдик кывъя,
Эмышт и сям...
Шуӧны нывъяс,
Вывті пӧ рам.

Тэтӧг нин, мортӧй,
Рытыс пӧ кузь.
Котӧрт пӧ гортад,
Дитяӧй, узь.

Налы кӧ сьывсьӧ,
Менымсӧ шог.
Коркӧ ме нывсӧ
Колльӧда ог?..

Смелмӧдча, гашкӧ,
Ог жӧ видз дой.
Мед сэсся вашкӧ
Миянлы вой.

Небыдик сывйӧн
Нывсӧ ог дойд.
Раминик кывйӧн
Висьтала мойд.

Дугдасны нывъяс
Ёсьтыны кыв,
Шедіс кӧ тывъяс
Пӧдруга-ныв.