МЕКӦД ЕСЕНИН

Бара рытыс вӧччис алӧй кеньӧн.
Бара рытыс гудӧкысь оз пӧт.
Татшӧм кадсӧ радейтлӧм Есенин,
Кодӧс ме эг аддзыв ни ог тӧд.

Ме ог тӧд и гӧлӧссӧ эг кывлы,
Но, ме чайта, вӧлі мортыс збой,
Вӧлі рам, кыдз талун сӧстӧм ывла,
Вӧлі шань, кӧть личкыліс и дой.

Висьталӧны кывбуръясыс сылӧн,
Кутшӧм вӧлі ыджыд роч поэт,
Коді йӧзсӧ нинӧмӧн эз ылӧд,
Кодлы дона вӧлі вӧльнӧй свет.

Бара рытыс вӧччис алӧй кеньӧн,
Бара рытыс гудӧкысь оз пӧт.
Бара мекӧд талун том Есенин —
Менам вемӧс, менам чӧскыд вӧт.