СТАВ СЕМЬЯӦН

Став семьяӧн ми пукалам гортын.
Став семьяӧн, но абу со дед.
Медым бурджыка оліс гӧль мортыс,
Юрсӧ пуктӧма медводдза пред.

Став семьяӧн ми пукалам гортын,
Став семьяӧн, но кӧні нӧ бать?
Лёк войнаыс тай волӧма кортӧг,
Сэки век кежлӧ воштӧма садь.

Став семьяӧн ми пукалам гортын.
Став семьяӧн, но абу тай вок.
Сійӧс вӧйигӧн кольӧма ёртыс.
Вокӧ некор нин гортӧ оз лок.

Став семьяӧн ми пукалам гортын.
Став семьяӧн ми коллялам нэм...
Вай жӧ крепитчы, меддона мортӧй,
Эн бӧрд, мамукӧй.
Ме тэнад эм!