* * *

Бара, чунялӧ ботіӧй сӧнік,
Кӧть и кӧдзыдыс дорліс нин вад.
И мен вежӧрӧ воис дзик ӧні:
Ме ӧд татшӧм жӧ вежласьысь кад.

Коркӧ кӧдзыд, а коркӧ и шоныд.
Коркӧ небыд, а коркӧ и скӧр.
Сӧмын другъяс тай мыйкӧ эз лоны.
Сӧмын кушмис тай менам сад йӧр.

Сэні ланьтіс и йӧктӧм, и сьылӧм,
Садйӧс яндысьтӧг пӧрччӧдӧ тӧв.
Тайӧс ставсӧ ме аддза и кыла,
Но ӧд терпита, ола, со чӧв.

Чайта: аддзас жӧ шогсьӧмӧс тӧлыс.
Али яндзимыс сылы оз тӧр?..
Вежон шоныдыс му вылын вӧлі,
Сэсся камнитіс кӧдзыдыс бӧр.