ПӦСЫЛКААс вотӧм ельдӧг, мырпом доз, Кос тшак и пув, и сэтӧр со и, Тшӧтш носки гоз и кепысь гоз — Пӧсылка мамлӧн дасьӧн лои. Да оз тай тырмы гижны сям. Мед, кытчӧ колӧ, ящик воас. И мунӧ суседъясӧ мам, Он куж кӧ, быть тай мунныд лоас. Со ящик босьтӧ тӧдса морт Да шуӧ мамлы пошта вылын: — И тэнӧ эновтіс, и горт, А мыйла отсавнысӧ сылы? — Мый шуны? Эз жӧ дзикӧдз мун, И, гашкӧ, локтас? Гортын лоас... — Со кымын во нин воштӧ ун, Но эскӧ мам, мый пиыс воас.
