АРМЕЙСКӦЙ РОК
Армейскӧй пӧртйын пуӧм рок Зэв чӧскыд, кӧть и этша выя. И шыдыс абу ёна лёк, Кор паньыд яйтор кыськӧ кыяс. Дерт, гортад рокыд — рок и эм, И сэтшӧм сёянъястӧ ёран, Но тані, панявны кӧ нем, Зэв лӧсьыда на содтӧд коран. И он и тӧдлы — рекмас пӧрт... А сьӧлӧм вылад торъя лӧсьыд, Кор шедас топыд кынӧмпӧт Да чужӧм вывсьыд лэччас пӧсьыд. Сэк быттьӧ кыптӧ весиг лов, Сэк кодкӧ кості мудзыд вунӧ. Сэк быттьӧ нинӧмыс оз ков, Сэк служба лӧсьыда зэв мунӧ.
Гижӧд
Армейскӧй рок
Жанр: 

lkejrlkelkrgner klrjnelknfrkl ekjnrjkenfrej

1