АДДЗЫСЬЛЫТӦДЗ

Аддзысьлытӧдз, Эжваӧй да-й юӧй,
Тувсов зэрӧн мыссьӧм кыддза раскӧй.
Аддзысьлытӧдз, гажа Коми муӧй, —
Армияӧ мӧдӧдча ме аски.

Аддзысьлытӧдз, донаӧй да-й мамӧй,
Ӧтнад колян, сьӧлӧмшӧрӧй, бара...
Ог нин аддзыв, ытваыс кыдз ямӧ,
Кыдзи коляс гожӧмыс да арыс.

Аддзысьлытӧдз, мусаӧй да-й нылӧй,
Аддзысьлытӧдз, сьӧлӧм косьтанторйӧй.
Оз нин таво тувсов рытыс ылӧд,
Ог нин ветлӧй кӧка воя борйӧ.

Аддзысьлытӧдз, ныла-зонма дзуӧй,
Аддзысьлытӧдз, гудӧкӧй да-й другӧй...
Эн жӧ сэсся нярӧн менӧ шуӧй:
Кыдз нӧ татчӧ сьӧлӧмтӧ он жугӧд?