ЗІЛЬЛУН

Керкатӧ тшупны ог бокысь тай корӧ:
Батьяслысь быдторйӧ велӧдчим ми.
Мый колӧ — тэчам и кыам, и дорам:
Синъясным ёсьӧсь и сӧнъяса ки.

Зільлуннад комиыд нимавліс пыр на,
Сьӧлӧмным удж бердӧ овлӧ мӧй кын?
Колӧ кӧ уджавны — ог шуӧй: «Тырмас».
Колӧ кӧ — аддзам на морӧсысь вын.

Та вӧсна муясным кыпыдӧсь арнас,
Та вӧсна пармаын кыпалӧ кар.
Ещӧ ми шаньӧсь — и шаньмӧдам парма,
Гежӧд нин сэтшӧмыс, дыш код да няр.