ПАСЬКЫД КОМИ МУЫД


Паськыд Коми муыд. Уна кар улӧ сійӧс нетшкӧмаӧсь, разӧдӧмаӧсь. Уна вӧлӧсьт сэтысь шӧралӧма-юклӧма. Нёль губернияын олӧны коми йӧз. Ӧти губернияса комияс оз тӧдны мӧд губерниясаясӧс, весиг оз и кывлыны ӧта-мӧд йывсьыс.

Витсё во сайын Коммуын (Кама вылын) миян вӧлі асланым сарство «Пермь Великая». 1472 воын сійӧс пӧкӧритісны рочьяс. Сы бӧрын коми йӧз кутісны торъявны, разавны уна пельӧ. Колӧ чукӧртны коми йӧзӧс! Колӧ ӧтувтны ӧти автономнӧй обласьтӧ став Коми мусӧ, став коми йӧзсӧ!

Коми йӧзлӧн национальнӧй движенньӧ лунысь-лун содӧ. Водзын мунысь коми йӧз важысянь нин тӧждысьӧны коми йӧзлӧн возрожденньӧ вӧсна.

Сыктывкарын съездъяс дырйи не ӧтчыд нин кыптыліс сёрни — политическӧя ӧтувтны коми йӧзӧс. Сӧветъяслӧн медбӧръя съездыс чолӧмаліс коми йӧзлысь национальнӧй возрожденньӧсӧ.

Ӧні коми йӧзлӧн лоӧ представитель Национальносьтъяслӧн делӧяс кузя комиссариатын. Лоӧ сэні коми отдел. Ыджыд надея сы вылӧ коми йӧзлӧн. Сійӧ чукӧртас Коми му, сійӧ политическӧя ӧтувтас коми йӧзӧс.

Сэки лоӧ ӧтувъя коми йӧз, сэки бӧр ловзяс озыр «Биармия» — паськыд Коми му, «Выль Перым»!


Гижысь: 
Гижӧд
Паськыд Коми муыд
Йӧзӧдан во: 

lkejrlkelkrgner klrjnelknfrkl ekjnrjkenfrej

1