ГӦЛЬ МОРТЛӦН СЬЫЛАНКЫВ
Йӧзлӧн керкаясыс мича — Шоныд, югыд, гажа сэн; Миян челядьлы жӧ вичмӧ Пемыд гуын бӧрдны нэм. Йӧзлӧн гажа свадьба лунӧ Юргӧ сьыланкывлӧн гор; Миян быттьӧ кодкӧ кулӧм — Каньлӧн авгӧм кылӧ нор. Йӧзлӧн йиркас быдся бурсӧ Ӧшлӧм гӧгӧр, ставыс тыр; Миян йиркын увлань юрӧн Ӧшйӧм уна бордъя шыр. Йӧзлӧн няньыс вобыд вуджмӧн — Тӧждлун налӧн абу, дерт; Миян во гӧгӧрса уджным Весиг чуман ид оз сет.
Вуджӧдысь: 
Гижӧд
Гӧль мортлӧн сьыланкыв
Жанр: 
Оригинал гижысь
Хетæгкаты Къоста
Оригинал ним
Мæгуыры зарæг

lkejrlkelkrgner klrjnelknfrkl ekjnrjkenfrej

1