СЬЫЛАНКЫВ БУР АНЬ ЙЫЛЫСЬ
Сійӧ крестьянкаӧн чужис. Син-пельнас мича и шань, Сьӧлӧмнас бур вӧліс ань, Уджавны долыда кужис. Библия, виршъяс и проза Рытъявыв киас эз кут; Лыддьыныс эз куж тай тут, Велӧдтӧм ай-мамыс моза. Ичмонь и сэн эз вош миян; Быдторйысь тӧдчис бур мам; Аддзиг сы ав и сы сям, Авъясьны вермисны пиян. Этша-ӧ горт гӧгӧр ноксьӧм! Отсӧгла медалас. Сэк Дзугас кӧзяинсӧ грек Нывкӧд — и мый вӧліс шогсьӧм! Тшӧтшкӧртчис юбкаыс талӧн, Векняммис паськӧм, оз судз; Куйлыныс сӧмын оз мудз... Со кутшӧм шуд вӧлӧм налӧн! Казяліс тайӧс кӧзяйка, Дыр кыдз эз вӧв сылы мог; Коньӧрлысь оз тӧдны шог Ай-мам, ни энька, ни айка. Велӧдӧм енсянь тай корсис Сӧмын — и такӧдчис мам. Аскӧдыс сёрнитіс рам. Шуис, мый ачыс тшӧтш ворссис. Синваысь эз виччысь бурсӧ, Эз эльтчы весьшӧрӧ ань. Мыжмысь, кыдз крест водзын, лань ^лӧня — Е. Г./^ Сы водзын копыртіс юрсӧ. Лӧгнас эз аддзыв и нылыс. Кор талӧн чужис тай пи, Отсавліс бур аньлӧн ки; Авзӧм сы вольпасьын кыліс... Ачыс ань мамнас сэк шусис, Ошйысис: выль пи пӧ эм; Сідзи и йӧз тӧдіс нэм; Мамсьыс и пи тӧдтӧг суссис... Эз сӧрлы; ӧні со сӧрис... Оз ылав ныв йылысь кыв. Бурдӧдіс, кикутіс... Ныв Козина ичмоньӧ пӧрис. Меліа быдтысис питор Ань ордас, ас пиян ног, Вӧчис кӧть зэв ыджыд шог... Ен сӧмын тӧдас мед быдтор!
Вуджӧдысь: 
Гижӧд
Сьыланкыв бур ань йылысь
Жанр: 
Гижан кад: 
Оригинал гижысь: 
Иоганн Шерр

lkejrlkelkrgner klrjnelknfrkl ekjnrjkenfrej

1