ПӦРЫСЬ ГОЗЪЯ
Пӧльыс сур дозъя, пӧчыс печкана Пуксьӧмаӧсь кыкӧн Рытын би дорӧ — и кузь сёрниныс Мунӧ ньӧжйӧникӧн. Сёрнитӧны сэн важся олӧмсӧ, Код нин тӧдсьыс вунӧм, Кодыр вӧліс вир пӧчлӧн чужӧмас И тшап ветлӧм-мунӧм. Морта-мортыслы паныд оз шуны. «Мый эз вӧвлы миян! Наян томлунӧй! Ӧні эмӧсь нин Пияннымлӧн пиян!» Сідз пыр сёрниас томлун гаравсьӧ, Код нин тӧдсьыс вунӧм, Кодыр вӧліс вир пӧчлӧн чужӧмас И тшап ветлӧм-мунӧм. Сёрнитӧны, мый уна бур йӧз нин Куйлӧ вичко дорас — И шог найӧлы шуны: регыд ен Сэтчӧ-й найӧс корас. Коді вермис мый, босьтіс олӧмлысь, Аддзывлісны гажсӧ, Гаралӧны сідз ньӧжйӧн ас костас Пӧрысь гозъя важсӧ.
Вуджӧдысь: 
Гижӧд
Пӧрысь гозъя
Жанр: 
Гижан кад: 
Оригинал гижысь
Andrew Park
Оригинал ним
The Auld Folks
Пасйӧд: 

Комиӧдӧма роч перевод серти.

lkejrlkelkrgner klrjnelknfrkl ekjnrjkenfrej

1