ЮГЫД ЮКӦМ
«Босьтӧ мый му вылын, босьтӧ мый муас!» — Енвевтсянь бур Зевес мортвужлы шуас. Шуас — и тэрмасьӧ дзоля и дзор Дасьтыны ас вӧсна коланджыктор. Вӧралысь пищальӧн мӧдӧдчис вӧрӧ, Код керка-картаа ытшкӧ и гӧрӧ, Вузасьысь мореӧн ыстіс караб, Лэдзис и вуграсьысь ю вылӧ таб. Кага ас лайкъянас ыджыд и шуда, Медалӧм киӧн банкир перйӧ руда, Архиерей аслыс босьтас алтар, Скипетр, корона и трон босьтас сар. Юкасны став му; быд воськовлӧн лоас Аслас кӧзяин. И вӧлись тай воас Кытысья пай корсьны аслыс поэт; Но сэк некод сылы чир нин оз сет. «Мыйла, о Зевс, тэнад ӧтнам пыр вуна? Став му выв юкӧма; кытчӧ ме муна? Эз коль и му пытшкӧс; кула и сэсь Мынтытӧг оз сетны ни ӧти весь. Ачыд тэ юкин, эз мывкыдтӧм мукӧд; Кыдз нӧ ме эг вермы босьтны ас юкӧд? Веськыдлун эз нин и енвевтысь пет!» — Сідзи зэв норасис дзугыль поэт. — «Ас, вылад норась, мый шог татшӧм суас! Некодӧс ог эльт ме, — Зевс сылы шуас. — Код зіля корсьысь ас пайсӧ эз ну? Кӧні тэ эндін, кор юкисны му?» — «Тэкӧд ме вӧлі! Ме видзӧді тэнӧ Енвевтсьыд! Сэтшӧм тэ югъялысь сэні, Мича, и ыджыд, и вына! Кор ен Тыдалӧ мортлы, морт кыдзи оз шен?» — «Быдсӧ нин мортъяслы юклӧма, пиӧ; Му абу менам нин. Мый нӧ тэд сиа? Кӧсъян кӧ мекӧд тэ гажӧдчигтыр Овны, тэд восьтӧма енвевтӧй пыр!»
Вуджӧдысь: 
Гижӧд
Югыд юкӧм
Жанр: 
Гижан кад: 
Оригинал гижысь
Friedrich von Schiller
Оригинал ним
Die Teilung der Erde

lkejrlkelkrgner klrjnelknfrkl ekjnrjkenfrej

1