ЮКМӦСӦЙ
Батьӧлӧн керкаыс чусмӧма дзикӧдз... Пӧлыньтчӧм юкмӧсыс, дзузъялан би... Дурк песан олӧмыс вайӧдіс пикӧдз, Бать муысь пышйисны ылӧ ныв-пи. Юкмӧсӧй, юкмӧсӧй, Дыр-ӧ тэд пычкыны синвасӧ? Ӧтнадӧн бӧрдан лун-вой. Юкмӧсӧй, юкмӧсӧй, Вайышт мен чужан му ловъя васӧ, Мед личӧдны сьӧлӧм дой. Ёгӧн да петшӧрӧн мир туйыс тырис, Важӧн нин оз кывсьы челядьлӧн лов. Тадзи со надзӧник мында нин бырис Сиктъясысь, грездъясысь важъя ним-ов. Юкмӧсӧй, юкмӧсӧй, Дыр-ӧ тэд пычкыны синвасӧ? Ӧтнадӧн бӧрдан лун-вой. Юкмӧсӧй, юкмӧсӧй, Вайышт мен чужан му ловъя васӧ, Мед личӧдны сьӧлӧм дой. Батьӧлӧн керкаыс чусмӧма дзикӧдз... Ловъя на юкмӧс. И ӧзйӧ на би! Слабиник югӧрнас чуксалӧ: ті кӧть Гортаныд бергӧдчӧй, вошӧм ныв-пи. Юкмӧсӧй, юкмӧсӧй, Дыр-ӧ тэд пычкыны синвасӧ? Ӧтнадӧн бӧрдан лун-вой. Юкмӧсӧй, юкмӧсӧй, Вайышт мен чужан му ловъя васӧ, Мед личӧдны сьӧлӧм дой.
Гижысь: 
Гижӧд
Юкмӧсӧй
Жанр: 

lkejrlkelkrgner klrjnelknfrkl ekjnrjkenfrej

1