АРСЯ ЗЭРАрся зэрыс, арся зэрыс — Сылӧн шуштӧм лолыс-серыс — Бара войбыд менӧ нерис: Регыд локтас тӧв... Едждӧдас, кӧдздӧдас. Кӧдздӧдас, едждӧдас. Ставсӧ вевттяс пӧрысь мудзыс, Шондіӧдз на сывйыс судзас. Сьӧлӧм пессьӧм водас узьны — Регыд локтас тӧв... Едждӧдас, кӧдздӧдас. Кӧдздӧдас, едждӧдас. Арся зэрлы ме ог эскы, Кӧть и тӧда ачым эськӧ: Кадлысь кытшсӧ он нин веськӧд — Регыд локтас тӧв... Едждӧдас, кӧдздӧдас. Кӧдздӧдас, едждӧдас.
