* * *
«Ок и сьылісны бабаяс, сьылісны!»
Вл. Попов. 1963 во. 


Сьылӧны бабъясыс, сьылӧны,
Сійӧс, мый ловнаныс кылӧны,
Йиджӧма мый сьӧлӧм берданыс.
Сьылӧны бабъясыс.
				Бӧрдӧны.

Войнаӧн олӧмныс дзугсьӧма,
Унджыклӧн верӧсныс усьӧма.
Вӧлі кӧ кодлӧнкӧ челядьыс,
Лэбисны бордъяммӧн кельӧбӧн.

Сьылӧны бабъясыс, сьылӧны,
Сійӧс, мый ловнаныс кылӧны.
Кӧртысь кӧ сьӧлӧмныс дорӧма,
Важӧн нин
		эськӧнӧсь
				потӧма...