ЛЕБЕДЕВ ГИЖӦД ВЫЛӦ ВОЧАКЫВ
«Настук» оперетта авторсянь, М. Н. Лебедевсянь, воис меным зэв интереснӧй письмӧ. Сійӧ (письмӧыс), ме ногӧн, представляйтӧ тшӧтш общественнӧй интерес. Сы понда ме ог кӧсйы кольны сійӧс куш ас костын видзӧм вылӧ, а юкся, кыдз шуласны, лыддьысьяскӧд да гижысьяскӧд.
Со мый гижӧ Лебедев (рочӧн — ме петкӧдла медся «ён» местаяссӧ письмӧсьыс):
«В прошлом году (1930-м. Н. В.) Вы писали мне, что перелагаете на музыку мою оперетку «Настук», что подготовляете ее к постановке на сцене и проч. Но теперь оказалось, что эта оперетка ни к чорту не годится. К такому заключению пришла, по крайней мере, коми критика, назвавшая оперетку кулацким произведением... В чем тут дело, хоть убейте, ничего не понимаю. Оперетку я писал весной и летом 1929 года, когда кулак еще не чувствовал над собой грозы и вел себя вызывающе… И, наконец, оперетка рисует только один маленький эпизод на фронте классовой борьбы, а отнюдь не классовую борьбу в целом, так что предъявлять к ней такие широкие требования — прямо смешно и неразумно. Вообще наша коми критика не столько чутка и беспристрастна, сколько резка и фанатично-придирчива, а это не говорит в ее пользу. Ничего конкретно она не устанавливает, а сыплет общими фразами да попутно обвиняет почти всех авторов (в том числе и Вас) в «мелко-буржуазном грехе», вот и все. А на такой критике, я думаю, коми литература далеко не уедет. Это звучит ересью, но это так... Вся эта история крайне взволновала меня. Можно и должно критиковать, но нельзя же это делать по допотопному правилу: раззудись плечо, размахнись рука. Нужно же соблюдать справедливость, а не поступать так: вали валом — после разберем»...
Татшӧм «взволнованнӧй» письмӧ гижӧ Лебедев. Ме сылы вочакыв ысті зэв «спокойнӧйӧс». Гижи рочӧн жӧ, инді татшӧмторъяс (висьтала комиӧн):
«Кӧть эськӧ шензянтор быттьӧ, «Настук»-ыд тэнад босьтліс 1929 воын конкурс вылын 2-ӧд премия, а ӧні (1931 воын) сэтшӧм чорыд критика улӧ веськаліс, — сӧмын ме дзик жӧ ставнам сулала сійӧ критика дор. Тэ ӧд ачыд тӧдан, кыдзи донъялӧ ӧнія, пролетарскӧй критик быд литературнӧй произведенньӧ. Медвойдӧр сійӧ «видзӧдӧ вужъяс» («зрит в корень»), кутшӧм кадын петӧма произведенньӧыс, мый сійӧ сетӧ олӧмыслы, кутшӧм класслы вайӧ пӧльза. Тэнад «Настукыд» петіс 1930 вося декабрын, кор вӧлі мунӧ чорыд классӧвӧй тыш, кор паськыда заводитӧма нуӧдны наступленньӧ капитализм нога элементъяс вылӧ. Критикыд та серти и донъяліс произведенньӧтӧ; сылы медэтша делӧ, кор гижӧма произведенньӧсӧ, а медъёна интересуйтӧ — кутшӧм обстановкаын петӧма сійӧ светас. Босьтам кӧть воддза коми гижӧдъяс миянлысь (Илля Васьлысь «Мунӧны» поэмасӧ, Тима Веньлысь висьтсӧ «Трипан Вась», тэнсьыд «Гажаджык, коми йӧз, олӧй», менсьым зэв уна кывбур): петан кадъясас найӧ вӧвліны, гашкӧ, актуальнӧйӧсь, а ӧні некытчӧ оз туйны. Ставыс — либӧ мелко-буржуазнӧй, либӧ национал-шовинистическӧй. Ме гижлі ворсантор «Рытъя», кӧсйи петкӧдлыны кулакъясӧс, кыдзи быран классӧс, а артмӧма лёктор. Сылысь лёксӧ, шогмытӧмлунсӧ эрд вылӧ петкӧдіс критика, миян коми критика, Микайлӧ Николаевич! Тэ чайтан, ме эг ерепенитчы? Ок, ёна первойсӧ дорйи ассьым произведенньӧӧс. А кор пыдӧджык видзӧдлі да джуджыдджыка мӧвпышті, — збыльысь некытчӧ туйтӧм гижӧд, ворсны сцена вылын оз позь. Сідз жӧ и тэнад «Настук». Ме вӧлі конкурс жюри вылас (веськавлі, ачым эськӧ эг вӧв шлен да). Оботуров ёрт сылы сетіс зэв бур отзыв. Бӧрвылас ме вӧчи сылы музыка (технически эгӧ вермӧ сэки пуктыны сцена вылын). А ӧні сійӧ збыльысь оз туй. Менам став музыкасьыс коли сӧмын ӧтитор, — сьыланкыв «Дзор пӧрысь гозъялӧн раминик ныв», коді оз мун оперетта текстас, а сюйӧма сэтчӧ кыдзи бокӧвӧй сьыланкыв. Мыйла оз туй? Оз отсав социализм стрӧитӧмлы, оз ёсьмӧд классӧвӧй тыш, сійӧн и оз туй. «Убивайтчыны» нинӧмла, колӧ сӧмын гӧгӧрвоны (осознать) да сӧгласитчыны. Коді оз кӧсйы сідзи вочны, оз вермы шусьыны сӧветскӧй, торъя нин пролетарскӧй гижысьӧн.»
Ог тӧд, гӧгӧрвоас оз Лебедев менсьым татшӧм вочакывйӧс. Оз кӧ гӧгӧрво, оз кӧ кӧсйы гӧгӧрвоныс, дерт, лёк, ме ногӧн. Оз позь ставсӧ валитны коми критика вылӧ, кор аслад тыдалӧ нелючкиыд. Эм зэв бур (кӧть и чорыд вывті) роч пӧслӧвича: «На зеркало нечего пенять, коли рожа крива». Кӧть и абу на зэв вылын миян коми критиканым, сӧмын классӧвӧй идеология боксянь кужӧ разбирайтчыны.
