×

Status message

Do something on load!
ЗБЫЛЬМЫТӦМ МӦВПЪЯС
Дас арӧснам зэв кӧсйи, мед Мем долыд вӧлі век, Кӧть ичӧтик велосипед Мед ньӧбисны мем сэк. Сы вылысь эськӧ, пельк да збой, Эг лэччыв лун и вой. Дерт, дӧзмывтӧгыс сэк эг ов, Кор кывлі: — Олан сідз! И гӧгыльястӧг, вильыш лов, Тэ пӧгибысь он видз. И тӧвзьысь дадь, кор воліс тӧв, Ме аддзи вӧтын моз, А збыльнас тӧді, олі чӧв: Оз козьнавны ӧд, оз. — Тэ эштан чегны сьылідзир! — Быд пӧрйӧ мамлӧн пузис вир… Зэв чайтлі быдтывны ме пон, Но вентӧмсӧ он вен. Вай эн пӧ сэсся йӧйтав, зон, Ӧд дас кык пӧ нин тэн. Мед нинӧм абусӧ эг кор, А бурджык аддзи лыддянтор. Ме шоча кывлі: «Лоас!» Но Эг шулы паныд нем, И козьнавлісны воысь-во Мый сэк эз ковлы мем: То шарп, то пальто, шнички выль, То «Музыкальнӧй лото». Збыль Сэк ньӧти тайӧыс эз ков, Эз бурмыв козинъяссьыс лов! Ог век тай ыджыдъяскӧд лад Ми, челядь, аддзӧй, веськыд мат. А асьныс шуасьлӧны, мый Дзик ӧтчыд овлӧ челядь кад.
Вуджӧдысь: 
Гижӧд
Збыльмытӧм мӧвпъяс
Жанр: 
Оригинал гижысь: 
Сергей Михалков

lkejrlkelkrgner klrjnelknfrkl ekjnrjkenfrej

1