* * *
И менсьым сьӧлӧм, овлӧ, дойыс ёнтӧ, Кӧть вежӧгтыны некодлы ог кут, Ме кӧсъя жӧ, мед олӧм бурыс шонтӧ Да сетӧ меным кутшӧмкӧ да шуд. Ме кӧсъя жӧ и бур кыв йӧзсянь кывны, И весиг аттьӧ ковтӧмнас оз ло... Кор лёкыс бара пондас лолӧс кырны, Сэк, кыдзи-й ӧні, туйӧ пета со. Ме мунла карысь, гижсян пызан сайысь. Неонъяслысь, витринаяслысь дзирд Ме эновтла, мед аддзывны ас пайысь Лиэкса ю, код пузис ставнас дзик, Юсайса от, кӧн синтӧ ёран лӧзыс... Ме бара сэтчӧ тэрмася, кӧть сэн Оз шыбласьны жӧ мелілунӧн йӧзыс, Оз шуны ковтӧг ошкан кывсӧ мен. И векся сёрниысь мен долыд овлӧ, Сэк ӧзйӧ пытшкам аслыспӧлӧс би, Сэн аслысногӧн кыпыд менам ловлы, И ачыс уджӧ сибӧдчӧ нин ки… Сідз, берегын, Лиэкса гыяс водзын Ог казявлӧй, кыдз лэччас вой шӧр вой. Землякъяскӧд ми варовитам восьсӧн — И вунлӧ олӧм чӧжӧн тӧдлӧм дой. А сэсся сэтшӧм нимкодь лоӧ, сэтшӧм Ме лоа шуда — Радлунӧй оз быр, Кор кодкӧ лыддяс Берегас жӧ сэтӧн Мен ассьым кывбур, ышлолалігтыр.
Вуджӧдысь: 
Гижӧд
И менсьым сьӧлӧм, овлӧ, дойыс ёнтӧ...
Жанр: 
Оригинал гижысь: 
Николай Лайне

lkejrlkelkrgner klrjnelknfrkl ekjnrjkenfrej

1