СУД ВОДЗЫН
(ЧЕРЧЕТСКӦЙ ХАН *)
Со петкӧдісны — гӧгӧрным конвойыс. Казнь огӧ кутӧй виччысьны нин дыр... И, быттьӧ яндзим шондіыслы лоис, Мыльк сайӧ дзебсис сійӧ пырысь-пыр. Эз лысваысь, дерт, кӧтась сукмӧм турун. Шог синваӧн тадз бӧрдӧ ачыс му. Оз кӧсйы ягыс лёксӧ тӧдны бурӧн, И саймовтӧдіс ягсӧ гартчысь ру. Зэв йирмӧг тан! Но кок пыдӧснам кыла, Ас лолӧн кыла мулысь шоныд лов. Му, дона мам моз, кытчӧдз ола-выла, Мем шоныдлунсӧ козьнавны оз пов. Эн майшась, му. Пӧсь сьӧлӧмӧй оз тірав. Тэ, кок ув муӧй, вынйӧр содтан мем. Мед бӧръя здукӧдз муслун олӧ вирам! Шуд вӧсна тышын орас менам нэм. Черчетлӧн слугаясыс сувталісны кытшӧн. Эз пӧтны миян вирӧн ӧнӧдз, эз! Но сьывсяс налӧн, чегас налӧн мыджӧд. Ми найӧс мыжалам, кор перъям ӧтув мез. Кӧть гырд синма палачлӧн черыс дась нин, Кӧть талун зэв на вына сылӧн ки, Мый миян сайын правда — тӧдам асьным, Кад воас — враглысь водзӧс босьтам ми. Дерт, локтас сійӧ, шуда югыд луныс, Кор врагӧс личкас веськыдлунлӧн сыв. Бур йӧз сэк кужас чорыд кывсӧ шуны, Тшӧтш сыкӧд йитчас менам бӧръя кыв.
Вуджӧдысь: 
Гижӧд
Суд водзын (Черчетскӧй хан)
Жанр: 
Оригинал гижысь: 
Муса Джалиль
Оригинал гижан кад: 
1943ʼ во
Пасйӧд: 

* Черчетскӧй хан — персонаж татарскӧй поэт А. Исхаклӧн поэмаысь, коді петавліс 1940 воын М. Джалиль редакция улын. Конспирация могысь поэт нимтӧ фашистъясӧс черчетъясӧн.

lkejrlkelkrgner klrjnelknfrkl ekjnrjkenfrej

1