СӦВЕТСКӦЙ УЛИЧА
Быдман тэ, менам карӧй, и этадз, и сідз. Кыдз нӧ тэнсьыд быд улича ловнам ог видз? Но ме ӧтилысь медъёна радейта мич. Буретш сійӧ Сӧветскӧйӧн шусьӧ. Этайӧ улича — Ижевскын, тан, Югъялӧ меным и тэн, шондібан. Улича шӧрсяньыс, йӧзыс кӧн тыр, Ленинным аскиӧ видзӧдӧ пыр. Гӧгӧр тулыс кодь веж тан, кӧть кыті ог мун. Зарни бияссьыс войыс тан быттьӧкӧ лун. Дзик быд пельӧс, быд керка тась некӧн оз вун, — Буретш сійӧ Сӧветскӧйӧн шусьӧ. Сылӧн шыалӧм муса мем, мый кӧть эн шу. Ойдіс-паськаліс сійӧ, кыдз тувсовъя ю. Сылысь медколан сьылӧмсӧ тӧв ныр оз ну, — Буретш сійӧ Сӧветскӧйӧн шусьӧ. Асъя шондіыс сы весьтӧ кыпӧдчас кор, Лыбӧ удж вылӧ восьлалысь войтырлӧн гор. Тан землякъяскӧд, ёртъяскӧд йитӧд оз ор. Буретш сійӧ Сӧветскӧйӧн шусьӧ. Сэн, кӧн топольыс шевгӧдіс тувсовъя сыв, Мен тшӧтш меліа нюмъялӧ лӧз синма ныв. Кыдз нӧ дзордзалӧм-сӧвмӧмсӧ тан ме ог кыв? Буретш сійӧ Сӧветскӧйӧн шусьӧ. Этайӧ улича — Ижевскын, тан, Югъялӧ меным и тэн, шондібан. Улича шӧрсяньыс, йӧзыс кӧн тыр, Ленинным аскиӧ видзӧдӧ пыр.
Вуджӧдысь: 
Гижӧд
Сӧветскӧй улича
Жанр: 
Оригинал гижысь: 
Гай Сабитов

lkejrlkelkrgner klrjnelknfrkl ekjnrjkenfrej

1