НЯНЬ
Му вылас Век меддонаыс нянь. Пызан вылын — Банйӧм, пӧсь на, шань, Ыркӧдыштӧ сійӧс степса тӧлӧн. Гӧстьяс водзын Сыысь кайӧ ру. Сьӧд кӧть еджыд — Сійӧс быдтіс му. Няньӧн суктӧм олӧмсӧ он чӧлӧд. Унаысь ме йӧзас кывлі сідз: Няньыс весь оз зумыдлунсӧ видз! Керкаяс кӧ кыпӧдчӧны вылӧ, Проводъясті котӧртӧ кӧ ток, Мичаммӧ кӧ карыс гӧгӧрбок, — Ставыс мыджсьӧ-пыксьӧ Няньлӧн вынӧ. Му шар кодь жӧ гӧгрӧс сійӧ пыр, Амбаръяссӧ аснас тыртігтыр, Тусьӧн киссьӧ йӧртӧдъясӧ сійӧ... Няньӧн бур морт Шыбласьны оз кут, Кыдзи-й чужан мулӧн ньӧти чут Врагъяслы эз веськав зывӧк киӧ. Челядь дырсянь ӧнӧдз тӧдам на: Няньным — му. Нянь — сынӧд. Няньным — ва. Шонді сыӧ йиджтысьӧмӧн олӧ, Ветлӧ сыын ыбъяснымлӧн лов, Мамлӧн мелілунтӧгыс оз ов, Олӧм банлы, вынйӧрнымлы колӧ. Морт! Мед тӧждыд нянь йылысь эз вун, Югзьӧд, нимӧд аснад сувтысь лун! Ставыс тэнад киын — му и енэж! Аснад тэ он уськӧд няньлысь дон, Сы вӧсна и мирыс кодь тэ ён, Лышкыдлуныд Видзӧ-лэптӧ тэнӧ.
Вуджӧдысь: 
Гижӧд
Нянь
Жанр: 
Оригинал гижысь: 
Асхан Баянов

lkejrlkelkrgner klrjnelknfrkl ekjnrjkenfrej

1