ЛЕНИН
Сідз колӧ, миян пӧвстын чужис сійӧ мед. Сэк чужис, чужны колӧ кор, и сэтшӧм чужис, кутшӧм эм: ас, колана, кыдз ва да нянь, код пӧткӧдӧ быд мортӧс; пыр ловъя сійӧ — водзӧ чуксалысь, сы видзӧдласысь матысмӧ быд кодзув; пальтоыс ниртчӧма зэв тэрыб вӧрас понда, со шевкнитчӧма пӧлаыс, кыдз борд. Морт сетчытӧм да кыпыд, быттьӧ би, код сотӧ озырлысь дворецъяс. А юрас чардби моз жӧ вирдалӧны мӧвпъяс... Пӧсь кипод улас сӧвмӧны поэмаяс, боецъяс, и пуяс кыптӧны, и югзьӧ кадыс. Сідз колӧ, миян пӧвстын чужис сійӧ мед. Веж ягыс, коді югдытӧдзыс пемыд, пыр шевгӧдӧма кияс, шондісӧ мед босьтны; сьӧд войнас мудзӧм муын сӧвмӧм кӧйдыс пыр польдӧ — вундан дыр ӧд воас; а, мам кӧ весигтӧ и кулӧ, сы дойсьыс водзӧс — чужӧ дзик выль лов сэк буретш, колӧ кор. Сідз колӧ, миян пӧвстын чужис сійӧ мед. Сідз вӧлі колӧ, медым збыльлун быд пельӧс югдӧдіс — эз пов, мед пӧрис мӧлӧтӧ бур вӧля кутысь чеп, струнаӧ пӧрис важ патрон, мед кырым лоис ёртасьӧмлӧн позйӧн, мед вӧчны асӧн туйяс, югыд зэр и окасьысьлысь вом дор, и ӧвтчысь видз, и югыдлун, и вуджӧр, мед петкӧдчин тэ, мездлун, миян водзӧ да шуин тадзи: «Войтырлы бур лун!» Сідз колӧ, миян пӧвстын чужис сійӧ мед. О, колӧ вӧлі! И эз кӧ эськӧ чуж, ми асьным сійӧс чужтім, ми сылы эськӧ сетім медся мелі нимъяс: Надежда, Кодзув, Вӧля либӧ Югыд. Ми асьным эськӧ сійӧс чужтім, мед юкны ас йӧз костын татшӧм шудсӧ — ас морӧс пытшкын сьӧлӧмӧс моз нуны.
Вуджӧдысь: 
Гижӧд
Ленин
Жанр: 
Оригинал гижысь: 
Веселин Ханчев

lkejrlkelkrgner klrjnelknfrkl ekjnrjkenfrej

1