* * *
Вой нин, а гортӧдз на ылын... Шинасӧ вежысь шофёр Ниртыштіс плеш вывсьыс ньылӧм. Пырис кабинаӧ кор, Тайкӧ став светсӧ оз ёр! Сунтовтчис, туй буссьыс дзор, Быттьӧ став груз — мышку вылын, Груз, код тай кузовас сылӧн, Кузь туйыс кытчӧдз оз ор. Мый вынсьыс ургӧ мотор. Тӧв бриньгӧ стеклӧӧ кортӧг, Оз бара ланьт, вильыш поз. Руль-гӧгыль чабыртӧм ёртӧс Лайкнитлӧ ва вылын моз, Пуясыс, кодъяс туй пӧлӧн, Дзӧрӧны, тшӧтш абу чӧлӧсь, Йиджтӧны машина гор... Водзын, со, югнитіс вӧлись Изъясӧд чеччалысь шор — Шофёрлӧн важ тӧдсатор. Туйыс то лэччӧ, то кайӧ, Нимкодь и тӧжд аснас вайӧ Вӧлӧксӧ вуджысьлы век. Но ӧд и гожся бур войыс Бурдӧдӧ ловтӧ быд дойысь. Мустӧмтны сійӧс, дерт, грек. Кыа, кор шеныштіс бордсӧ, Шондісӧ йӧткыштіс ортсӧ — Петкӧдчис доналӧм шар, Колана, вашъялысь, яр. Вир сӧнӧдз югзьӧдіс мортсӧ Рас помын тыдовтчӧм кар. Рейсын кӧть асылыс суис, Майшасьны унтӧмла нем. Быттьӧкӧ ышловзис муыс — Пурквидзӧ еджговат руыс. Нюжалӧ-гӧгыльтчӧ нэм. Туй морттӧ гортладор шонтӧ. Гортладор пельӧслы донтӧ, Весиг быд нёптов кӧн ас, Тӧдӧ шофёр — со тай шогтӧг Бара на содтыштіс газ... Енэжӧд гӧгыльтчӧ шонді — Грымӧдӧ муӧд КамАЗ.
Гижӧд
Вой нин, а гортӧдз на ылын...
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1