КЫК ВОКЛӦН ДРУГАСЬӦМ ОЗ КУС
Выль кыа омӧльсӧ оз кы. Лӧз изйӧ тёльскӧ вильыш гы. Кӧть сёрӧнджык, но тувсов гора Со бара гызьмуніс Печора. И, медым рытыс эз ло руд, Ю дорын пукалам кык друг. — Салам алейкум! — Видза олан! — Кык пӧлӧс кыліс таӧдз чолӧм. Кузь сёрни киссьӧ — и оз быр, Со тадзи-й быттьӧ вӧвлі пыр. Ме — коми, менам друг — татарин, Ме быдми сиктын, сійӧ — карын, Но татчӧ вайис ӧти мог — И варовиттӧг ог ов, ог. Ми ставсӧ гартам сёрни сывйӧ — Сідз воам ӧти, колан кывйӧ. — Рашид! Кыдз лоӧ бур да лёк? — Якши! — мен вочавидзӧ. — Нок! Кыдз быттьӧ месянь сылы козин — Печора муркъялӧ сы водзын. И меным бур, и сылы бур, А бурсьыс бурлӧн оз вись юр. Печоралысь и Волга юлысь Ми видзам ӧтласа выль тулыс. Ӧд ӧти кыа тан и сэн Рашидлы бурсиӧ и мен, Мед овны-вывны — бурсӧ кывны, А лёксӧ люкавны да кырны. И ставыс, вӧлі мый да лоӧ, Пӧсь кыпыдлунӧн пырӧ лолӧ. Кык воклӧн другасьӧм оз кус, Оз лэб, кыдз тӧлӧн лэптӧм бус.
Гижӧд
Кык воклӧн другасьӧм оз кус
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1