ТЭН, КОМИ МУ, ПРАЗДНИКСЯ КОПЫР!
Кор шеныштчӧ выль кыа борд, Кор пармасӧ шувгӧдӧ тӧлыс, Сэк быттьӧкӧ выльысь ми, ёрт, Ас пӧльяслысь кылам на гӧлӧс. И вежӧрӧ косӧны сэк Йӧз шуд вӧсна вир кисьтан косьяс, И збой комиссаръяслӧн век Пӧсь кывъясныс юргӧны, ёсьӧсь. И син водзын сэкся на, со, Лӧз Войвывсӧ выльмӧдысь асыв. Кызь ӧтиӧд югъялӧ во — И пӧртмасьӧ тан енэжтасыс. Мый вуджлӧма — вичмӧ и мем, И ставыс, мый вуджны на лоас, Мый ас ногыс кыпӧдӧ нэм, — Сэк пансьыліс — ылысмысь воас. И мед жӧ дзик некод оз вун, Код вынсьӧдіс выль олан туйсӧ! А сійӧ, код чусмӧдӧ лун, Мед кывбурам матӧ оз сюйсьы. Ёрт, ӧтвылысь горӧдам вай: «Быд воськолӧн дзирдав, быд серӧн, Тэ, нимлун! Тэ, гажлунным, кай Ас йӧз пӧвстын тан, СССР-ын!» И коді нӧ тан талун оз шу, Кыдз тэкӧд, ёрт, ӧтвылысь сиам: «Ов, парма! Ов тэ, Коми му! Ов, выльдӧм Республика миян!» Кӧн кылӧ индустрия гор, Кӧн шуд йылысь сьыланкыв кылӧ, Сэн тэнад таланыд оз ор, Сэн славаыд кывсьӧ зэв ылӧ. И мортлӧн, и ывлалӧн мич Мем дона, мем муса, мем матыс. Быд вермӧмтӧ — вӧчамӧ сідз — Оз вуштышт, оз саймовтӧд кадыс. Быд буртор мен дона да ас! А кыдз нӧ ог пукты ме пыдди И сійӧс, мый юӧртӧ ТАСС, И мый «Югыд туйысь» ме лыддя? Быд выль лун, тэ мирнӧйӧн ло! И сиа ме тэн, дружнӧй котыр: Мед шудаӧн лоас быд во! Тэн, Коми му, праздникся копыр!
Гижӧд
Тэн, Коми му, праздникся копыр!
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1