×

Status message

Do something on load!
ӦТУВ ЮГЫДЛУНЫС ОЛӦ
Ас, векся туйӧд Бергав, Му! Эн сетчы лёклуныслы, Медым, Кор вешъяс-сылас Ковтӧм ру, Яр, майся шонді улӧ Петін. Тэ, юрвесьт енэж, Сӧстӧм ло, Став отнад-пасьтанад Тэ лӧзав. Кӧть, овлӧ, Кымӧртчывлан, но Век бурӧн нимав тэ Бур йӧзас. Май! Сьыланкывъям Пыр тэ вай, Быд пельӧс шызьӧд Асшӧр гымӧн. Тэ Му шар пасьта Югзьы, Май! Со тэнӧ ыдждӧдысьыс Кымын! Ӧд сы вылын И кутсьӧ мир, Мый мирас Зэв бур йӧзыс уна. И ме, Став лыдас ӧти чир, Колоннаын Тшӧтш накӧд муна. И сыысь менам Содӧ вын, Да тіпкӧ ӧдӧбджыка Сьӧлӧм, Мый ставнас гӧгӧр Лолӧ выль, Кор пӧльтӧ Ловтӧ лэптысь тӧлӧн. Май! Менам зарни, Сьӧлӧмшӧр! Тэ ачыд аснад Век мен муса, Мый, локтан кӧ, Он косав бӧр, Мый дзоньнас Ревизуйтан Мусӧ. Ме тӧда, Тэнсьыд водзмӧстчӧм Век кылӧ Мирса пролетарий, А тэнсьыд Лӧз да алӧй рӧм И сиктын ӧтвывта, И карын. И сьӧлӧмын кӧ Ломзьӧ би, То сыысь Аттьӧ шуны колӧ, Мый олӧ Май — И олам ми, Мый ӧтув югыдлуныс Олӧ!
Гижӧд
Ӧтув югыдлуныс олӧ
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1