ЁРТӦЙЛЫСЬ ОГ ВУНӦД КЫВ
«Бура сьылан — Ылӧдз кылан», — Симон Аксен шуис мен. Аслас зорӧд Сьӧд ёль дорӧ Быттьӧ парус лыбис сэн. Войтыр, чӧлӧй! Тӧвзьысь, тӧлӧй, Медым зорӧд, гожйӧн тыр, Быттьӧ кыптӧ Ас му вывті, Ышмӧм тӧвсӧ пыкигтыр. Симон Аксен Радсьыс ваксьӧ: Лӧсьыд пельпомъяса, ён Артмис зорӧд! И он орӧд Мортлысь вильшасьӧмсӧ, он. Турун кӧрӧн Шпоргӧ дӧрӧм. Банас ёртлӧн — ыргӧн рӧм. Ёртӧй зуӧн Сутшкис муӧ Лэбын — турун чӧвтан рӧд. Кыдз нӧ эськӧ Горт он веськӧд, Ванас юктӧдӧ кӧ ёль? Ёртӧй кӧсйис — Уджын ӧзйис, Кывнас весьшӧрӧ эз доль. Мыйта ньылӧм Петліс сылӧн, Мыйта сов кӧр тӧдліс мыш! Донсӧ аслыс Йӧзыс пасъяс Лымъя пӧра колльӧм мысьт. Гожӧм, гожӧм Быд туй вожын! Ловтӧ зарниӧдысь кад. Серсӧ сылысь Матысь-ылысь Тӧдӧ сикт и тӧдӧ кар. Тӧдӧ-й ёртӧй Тан кӧть гортын — Страда кокниа он вудж, «Кӧрым база, — Шуӧ басӧн, — Дасьтӧ тшӧтш и менам удж». Югъяв, шонді! Ме ог понды Татшӧм йӧзкӧд лябны, ог. Ме и ачым Ог зэв надзӧн Могмӧд сиктлы колан мог. Мен и аслым Турун пласттӧ Долыд лэптыны да бур. Ыджыд лолӧн Овны колӧ — Сэк оз янӧд зорӧд юр. Чечча-вода — Ог куш ода Симон Аксенъяслы тэч, Коді кисӧ, Сьӧлӧм бисӧ Пуктӧ уджӧ — весь оз педз. «Бура сьылан — Ылӧдз кылан», — Ёртӧйлысь ог вунӧд кыв. Сьӧд ёль дорын Сылӧн зорӧд — Гожсӧ лэптысь сьыланкыв.
Гижӧд
Ёртӧйлысь ог вунӧд кыв
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1