1941 ВОСЯ ИЮЛЬ, КЫДЗКАР СИКТ ГОРУВ
Пароход быттьӧ ангел ас еджыднас берегысь вӧрзис. Война вылӧ код муніс сэн — сьӧдвидзис палуба тыр. Лажмыд гыясӧн чукрӧдліс судноыс ва эжсӧ бӧрсьыс, Бӧжас шевкйӧдліс флагыс тшӧтш ылыстчигтыр. Кодкӧд янсӧдчим сэк, вӧлись вӧлісны танӧсь! Ӧти здук кежлӧ нӧшта на аддзывны кӧть! Кор нин шондіыс яг сайысь гӧгыльтчис ставнас, Пароходсӧ сы югӧрысь сайӧдіс кӧдж. Ю выв лӧсталіс сідз, сылы быттьӧкӧ вӧліс сэк кокни, Дыр на колльысьяс номъясысь ӧвтчисны сэн... Мунӧм войтырысь унаӧн гортаныс нэмӧн оз локны. Мирнӧй во лыдыс содӧ — а найӧ оз вочасьны мен. Ӧттшӧтш шонтіс и ёнтіс сэк вирӧс быд сӧнысь Сымда морт нылӧ тыртӧммӧм лӧнь берег дор... Быдсӧн пемдылӧ син водзам войын моз ӧнӧдз, Сэкся асывсӧ тӧд вылам уськӧда кор.
Гижӧд
1941 вося июль, Кыдзкар сикт горув
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1