БАРА БЫТТЬӦ СЭК КЫДЗКАРӦ ПЫРА…
Аснад, турӧб, эн саймовт, вай эн Сійӧ лунсӧ да чассӧ, Мед и вояс ныр аддзыны мен Вӧла-доддяӧн шызьӧдӧм рассӧ. Гартчис-шыбласис орс * моз жӧ дзик Лымйӧн вольсалӧм туйыс, Яков Рочев да ямщиккӧд ми... Узник нима вӧв миянӧс нуис. Дзуртіс кӧшӧвка сюв улын лым, Качліс подковъяс улысь, Кыдз нӧ сьӧлӧмад радлун оз лыб, Кӧрсӧ кылан кор челядь дыр мулысь! Ямщик, Сім шорсӧ вуджим да, чӧв Кӧзла вылас бӧр сӧліс. Кыдзкар сиктлань пыр матыстіс вӧв, Мегыр пырыс кӧть видзӧдлӧ вӧлі. Сиктас вайӧдіс дзик ӧти мог — Клубын нуӧдны рыт сэн. Йӧзлысь пальӧдны гажлун и шог, Весиг Музасӧ мыччӧдны быдсӧн. Банӧс тӧвру эз ёна нин сот. Али личаліс шорас? Эстӧн горулас — радейтан от — Йиӧн кышасьӧм югзис Печора. Кыддза рассӧ кор вежис нин бадь, Кыа вӧлі нин сылӧ. «Майбыр, — тувкнитіс мем Яков дядь, — Локтан мам дінад. Сьӧлӧмыд сьылӧ...» Читкыр син дорыс небзьыштіс сэк, Тайкӧ нюмыс тшӧтш кусӧ. Ачыс ышловзис ыджыда зэв, Чышкис ки мышнас йизьыштӧм уссӧ. Гургим шыбӧльысь шыбӧльӧ ми, Кытчӧдз йӧръяс эз воны... Воссис сикт, кыдз тай ру пытшкысь ді. Лоис весиг и бан боклы шоныд. Пельпом сайсьым кор кывла ме борд, Морӧс — югыдӧн тырӧ, Бара быттьӧ сэк ме, тӧвйыв морт, Яков Рочевкӧд Кыдзкарӧ пыра.
Гижӧд
Бара быттьӧ сэк Кыдзкарӧ пыра...
Жанр: 
Гижан кад: 
Пасйӧд: 

* Орс — плеть.

lkejrlkelkrgner klrjnelknfrkl ekjnrjkenfrej

1