* * *
Ю. Л. Розановлы
Москваысь П. А. Герцен нима
онкологическӧй институтса хирурглы
Сэк сэтшӧм сьӧкыд вӧлі мен... Син водзӧ косӧдны кӧ важсӧ, Сэсь этша мыйкӧ аддзан гажсӧ — Пӧсь лолӧс емалӧ сё ем. Сэк сэтшӧм сьӧкыд вӧлі мен... Сідз пытшкӧсӧс лёк биӧн сотіс, Со, чайті, олӧм кутӧд потіс — И кусӧ чусалысь на нэм. Сэк сэтшӧм сьӧкыд вӧлі мен... То мӧвпӧй нулас ылӧ-ылӧ, То выльысь вувзяс койка вылӧ, То парма водзладорам, тшем. Сэк сэтшӧм сьӧкыд вӧлі мен... Москва, больнича ӧшинь сайын Трамвайлӧн триньгӧмӧн тшӧтш вайин Мен визувлун да нуин вен. Сэк сэтшӧм сьӧкыд вӧлі мен... И вешйис кытчӧкӧ палата, Хирург кор лым еджыд халата Ме весьтын копыртчис кыдз ен. Сэк сэтшӧм сьӧкыд вӧлі мен... Кор садьми джуджыдмӧм йирк улын, Век шегъясисны: олӧм-кулӧм — Да менсьым биалісны вем. Сэк сэтшӧм сьӧкыд вӧлі мен... Зэв вӧлі кулӧмсьыс на пола: Ас войтырлы на, мися, кола, Мед бурӧс керны тан и сэн. Сэк сэтшӧм сьӧкыд вӧлі мен... Мед, шуам, лолӧй райӧ каяс, — Эг вӧч на ассьым му выв раяс, Кад колӧ, эштӧднысӧ мед. Сэк сэтшӧм сьӧкыд вӧлі мен... А кӧнкӧ гыаліс Печора, Ме сійӧс вӧтӧн вӧлі кора — И гысьыс тіровмунліс стен. Сэк сэтшӧм сьӧкыд вӧлі мен... Но, воссис кост, — он сійӧс дзеб тэ, — Бӧр менӧ кок йылӧ сэк лэптін, Москва! И кувтӧдз копыр тэн!
Гижӧд
Сэк сэтшӧм сьӧкыд вӧлі мен...
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1