СОКОЛОВО СИКТЫСЬ АНЬ
Юсь моз шлывгис «Заря» теплоход, Лӧз Печораыс гызьыліс выльысь. А сентябрлӧн виж рӧмыс эз сод Да-й эз чин татчӧс берегъяс вылысь. Миян ва туйлы водз воис пом, Петім берегӧ. Тӧдтӧм дзик сиктыс. Ӧтнас берегын пукаліс пон, Быттьӧ чеччанін миянлы ликтіс. Воча миянлы чой йывсянь сэк Асыв исковтіс петукъяс шыкӧд. Бипур дзулъялӧ ю саяс, сэн. Сиктӧ воысьяс ми сӧмын кыкӧн. Шыч ни рач. Эз на кыв сёрни гор, Эг на вочасьӧй ни ӧти морткӧд. Тӧдтӧм сиктас нин пыримӧ кор, Меддор керкаас таркӧдчим ёрткӧд. Кильчӧ ӧдзӧсын мыччысис ань, Лэдзис керкаӧ кыв ни джын шутӧг. Гырысь синъяса, авъя да шань, Муртса нюммуніс. Ньӧти эз сулӧд. Вайис быдторсӧ, аслас мый эм. Пызан вылӧ, мый гӧстьяслы колӧ. Лоис кокни зэв лов вылын мем, Аньыс бордъяліс быттьӧкӧ лолӧс. Аньлӧн висьтасьӧм вӧлі кӧть нор, Сійӧ висьтасьны сідзи тай кужӧ: Кольӧм олӧмсӧ казьтывлӧ кор, Быттьӧ ытшкытӧм видз кузя вуджӧ. Татшӧм аньыскӧд лёксӧ он тӧд... Ассьым шуӧмӧс вынсьӧда-й талун: Эм кӧ збыль зарни сьӧлӧма рӧд, — Зарни сьӧлӧмыс аньыслӧн, талӧн.
Вуджӧдысь: 
Гижӧд
Соколово сиктысь ань
Жанр: 
Оригинал гижысь: 
Валерий Вьюхин

lkejrlkelkrgner klrjnelknfrkl ekjnrjkenfrej

1