ТЭ, ВОЙВЫВ, МЕНЫМ ДОНА

Роч зон ме, Дон ю вылысь,
Но Войвылыс мем — ас.
И дурлӧмыс оз ылыст,
Оз пукты меным тас.
Вой кыаыс оз повзьӧд,
Мед ворсӧ-югзьӧ сэн,
Мен сійӧ быттьӧ козин,
Зэв нимкодь сыысь мен.
И татчӧс вой оз сконъяв,
Кор вывлань лэпта юр:
Дзор кымӧръясыс — понъяс,
А тӧлысьыс — каюр.
И толасӧ ог мустӧмт,
Кор сэті келӧ вой.
Кӧть турӧб гартчӧ усьтӧдз,
Но абу сыысь дой.
И кӧдзыдсьыс мен долыд,
И вой тӧв абу лёк.
Тан кыдзлӧн вылын доныс,
Кӧть дженьыд сылӧн кок.
Тан шондіыс зэв уджач,
Кор лун и вой оз узь,
Кор лунся туйсӧ вуджас —
И бара на оз мудз.
Тэ, Войвыв, меным дона.
Тэ, быттьӧ ыджыд ёрт,
И лолӧс шонтан ёна,
И аслым сетан борд.