ПОНЛЫ ОДА
Пон юасьӧ менсьым, А воча кыв вомсьым оз пет. Пон чеччалӧ, вильшасьӧ эрдын, шытӧгыс юасьӧ бара, васӧд синъясыс сылӧн — кык юалан пас, кык — воча кыв виччысьысь — би кинь, а ме сылы ог вочавидз, ог вочавидз сы вӧсна сылы, мый ог тӧд, ог сяммы. Восьсаинӧ ми восьлалам, пон да морт. Быд турун сі югъялӧ, быттьӧ кодкӧ тан окаліс найӧс — ӧтитӧг ставсӧ дзик. Апельсин пуясыс кузьмисны нӧшта, мед лоны веж рӧма, гӧгрӧс быдтасъяса дзоляник планетарийясӧн. Ми мунамӧ, пон да морт, исалам татчӧсінсӧ, мунам, бобӧнянь лякигтыр, Чилиса лудті, сентябрлӧн сӧстӧм ки пыдӧс увті. Пон здук кежлӧ чошкӧдлӧ пельсӧ, сэсся вувзьысьӧ мазіяс бӧрся, серласьысь ва вомӧн шутёвтӧ пелька да кывзӧ ӧдва кывмӧн увтӧм шы, из дорын лэптылӧ коксӧ, и понлӧн кӧдзыд ныр помыс — кыдз козин, кыдз небыд ру, кыдз небыд рулӧн пас. Пон юасьӧ менсьым, юасьӧ кыкнан синнас, мыйла пӧ ӧні лун, кытысь пӧ волӧ вой, мыйла пӧ тулысыс нопъяс дзик нинӧм оз вай шӧйтысь понъяслы, налы, ковтӧм дзоридзьяс кындзи — век дзоридз да дзоридз. Пон юасьӧ менсьым, а ме вочавидзны ог куж. Мунам ми, пон да морт, кыдзи другъяс, веж асылӧд мунам, пытшкӧстӧ нёнялысь ӧтка олӧмӧд кӧні ми сӧмын эмӧсь — понмыс лысвакӧд ӧтсор, ӧтсор ягкӧд поэт. Абуӧсь пуясӧ саймовтчӧм лэбачьяс, абуӧсь турунӧ дзебсялӧм дзоридзьяс — сӧмын дзользьӧм да дук кылӧ ӧні кык друглы, кык янсавтӧм кыйсьысьлы кылӧ; войлӧн лов шыысь васӧдмӧм ывла, веж тоннель да этайӧ лудйыс, да югыдвиж нырвизьыс тӧвлӧн, вужъяслӧн кышӧдчӧм и олӧм этш — ветлӧдлӧм, лолалӧм, быдмӧм, нэмӧвӧй ёртасьӧм, шудыс вӧвсьыны понмӧй да мортӧн — квайт кока да лысваӧн кӧтӧдӧм ӧти бӧжа ӧтласа ловъя лолӧн.
Вуджӧдысь: 
Гижӧд
Понлы ода
Жанр: 
Оригинал гижысь
Pablo Neruda

lkejrlkelkrgner klrjnelknfrkl ekjnrjkenfrej

1