СЬЫЛӦ ИТТА
Саридзӧ мытшасьӧ тундралӧн дор, Радейта валъялысь саридзлысь гор. Радейтысь сьӧлӧмӧн овны — Саридзсьыс, сідзкӧ, не повны. Саридзыс тундракӧд окасьӧ кор, Лунъюгыд войыс тай сылы оз сор. Радейтысь сьӧлӧмӧн овны — Вой шӧрысь, сідзкӧ, не повны. Вал весьтын калялӧн горзӧмыс нор, Нормӧдлӧ сьӧлӧмӧс тшӧтш рытладор. Радейтысь сьӧлӧмӧн овны — Нормӧмысь, сідзкӧ, не повны. Калялы сюрас на водз либӧ сёр, Сюрас на калялы, дерт, корсянтор. Радейтысь сьӧлӧмӧн овны — Корсьӧмысь, сідзкӧ, не повны. Калялӧн лэбӧмыс сэтчӧдз оз ор, Кытчӧдз веж саридзлысь кыла ме гор. Радейтысь сьӧлӧмӧн овны — Лэбӧмысь, сідзкӧ, не повны.
Гижӧд
Сьылӧ Итта
Гижан кад: 
Пасйӧд: 

Г. Горчаковлӧн «Тундраса кӧин» пьесаӧ гижӧм сьыланкыв

lkejrlkelkrgner klrjnelknfrkl ekjnrjkenfrej

1