×

Status message

Do something on load!
* * *
Сійӧ сиктас, кӧн сэк олім, Эз на-й радиоыс вӧв, Кор Победа йылысь юӧр Вайис сиктӧ рытыв тӧв. Майся кыа быттьӧ лэбис! Тшӧтш и яг йыв вӧлі дон. «Вермим! Вермим! Войтыр, вермим!» — Триньгис ӧтка телефон. Ӧти шудсӧ том и пӧрысь Кылім сьӧлӧмнаным ми. Ӧтвыв пытшкӧснымӧс сотіс Ӧти, сэтшӧм колан би. Ӧгаш тьӧтка, кодлӧн верӧс Оз нин лок дзик некор, оз, — Кумач рӧма сыръя чышъян Кутіс киас флагӧс моз. Чышъян шпоргис кыркӧтш йылын, Шпоргис чышъян — быттьӧ борд. Дӧва мортлысь лэптіс ловсӧ, Аньӧс ышӧдіс кыдз ёрт. Улын лӧсталіс Печора — Йиысь мездысьтӧм на ю. Водзын куйліс помтӧм-дортӧм Ас да дона мирнӧй му. Кадыс тэрмӧдлӧ — но менам Мед жӧ некор оз и вун Кумач рӧма сыръя чышъян, Мирсӧ вайысь майся лун!
Гижӧд
Сійӧ сиктас, кӧн сэк олім...
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1