МЕ БАРА ЛЭБАМе бара лэба, лэба бара, А мамӧ — му вылын, со, сэн, Кӧн тӧдса кушин — гожся бана — Быд турун сіӧн ӧвтӧ мем. Мем мый: ме волі да и муні! Мем сэтшӧм усьӧма нин пуд. А мамӧ — колльӧд мунан лунӧ, А мамӧ — си бур туй, бур шуд! А мамӧ — виччысь водзӧ волӧм... Но кытчӧдз восьса енэж от, Век быттьӧ саймовтчыны полӧ Сы синъяс улысь самолёт. Кӧть кымынысь нин менӧ нуліс Тась самолётыс жургигтыр, Но тайӧ ягыс, тайӧ нюрыс Ас сикткӧд йитчӧмаӧсь пыр. Мам бурсиӧмӧн лэба, лэба — И ставыс быттьӧ кокни мем. Быд ковтӧм тӧждысьӧмӧс дзеба — И водзӧ лэбӧ аслам нэм.
