ТЫ БЕРЕГ ДОР
Ты берег дор, ты берег дор, Тэ мыйла, висьтав, сэтшӧм нор! Жар гожӧм помнас эн мӧй кывлы Тэ татчӧс аньлысь сьылӧм гор! Кор сійӧ аньыс ытшкис тан, Сэк гажӧн ойдліс миян стан, Видз шӧрӧд ветлысь сьыланкывлы Сэк радліс ачыс шондібан. Ак, уджлысь кӧрсӧ тӧдіс ань, Том аньыс сэтшӧм вӧлі шань, Мый гожсӧ ворсӧдіс быд рӧмӧн, Мый чикыш рытсёрӧдз эз ланьт. Веж гыӧн ветліс паськыд видз И аснас быттьӧ шуис сідз: «Ой, ме ӧд сылы дона сӧмын, Код кылӧ сьӧлӧмнас бур мич». Дыр сэки нимкодясис ты. И тылы муса страдна шы, Ӧд ас ног ымраліс сэк ывла Да шогсӧ некодлы эз кы. Ты берег дор, ты берег дор. Тэ мыйла, висьтав, сэтшӧм нор! Жар гожӧм помнас эн мӧй кывлы Тэ татчӧс аньлысь сьылӧм гор!
Гижӧд
Ты берег дор

lkejrlkelkrgner klrjnelknfrkl ekjnrjkenfrej

1