* * *
Карса улича оз шыав, Сійӧ быттьӧ лӧньӧм ю. Ӧні, тӧдӧмысь, оз гыав Весиг Изьва ыбын сю. Кытчӧ войыс тӧвсӧ суис, Сэні-й сійӧс личкис ун. Менсьым унмӧс чӧртыс нуис — Быттьӧ нюжалыштіс лун. Кодлы, думайта да, колӧ Сійӧ, гижа ӧні мый? Али слава мекӧд олӧ? Сійӧс регыдӧн он кый. Ас вӧсна мӧй лолӧ повны? Вӧчӧм вӧсна босьтлӧ шог. Верма славатӧгыс овны, Асшӧр думъястӧгыс — ог. Тыр сюсь йӧзыс ӧні важӧн Вӧталӧны коймӧд вӧт. А ме, йӧйыд, сьӧлӧм гажӧн Юкся войкӧд — век ог пӧт.
Гижӧд
Карса улича оз шыав...
Жанр: 

lkejrlkelkrgner klrjnelknfrkl ekjnrjkenfrej

1