* * *

Сэки быдӧнлы ме друг,
Юктавны кор верма.
Нинӧм миянӧс оз юк —
Юр вылӧ кӧть зэрмас.
— О-о...
— Да тэ...
— Да ме...
— Да ми... —
Ёртъяс вашъялӧны.
Менсьым топӧдлӧны ки,
Весиг окалӧны.
Донъялӧны вина рӧм —
Хорӧн! — он на ӧлӧд.
А вот кыдз мен шедіс сьӧм —
Веськодь налы, вӧлӧм.
Олан визьӧс ме ог дзуг.
Али, чайтад, сӧра?
Кор ме сьӧма — первой друг
Оз лӧсяв ме шӧрӧ.

Сійӧ сяммӧ дружбалун
Видзны пытшкас, пыдын.
Оз ӧд донъяв, быттьӧ тун,
Бурсӧ румка лыдӧн.

Мӧдлӧн тӧждысьӧмыс век
Мортлы сідзи колӧ!
Войся енэж быттьӧ сэк
Югыдджыкӧн лолӧ.

Сэтшӧм здукӧ, менӧ кор
Неминуча суас,
Локтас другӧй — водз кӧть сёр —
Сьӧлӧм кывсӧ шуас.

Кодъяс, стопка косьтігмоз,
Пукавлісны мекӧд,
Оз сэк жӧдзны тані. Оз
Паныдасьны некӧн.