* * *
«Прӧщайт! — ме сэки шуи Том кыдз пулы. — Прӧщайт!» Мый сьӧлӧм пытшкын нуи. Бӧр вайны ме эг чайт. Пӧсь радейтӧмсӧ видзи, Но колис сӧмын дой. А мыйла артмис сідзи, Эз висьтав тувсов вой. И мыжа ӧмӧй войыс! А мыжа ӧмӧй кыдз! Пӧсь радейтӧмыс воис, А кодлы делӧ — кысь! Зон видзӧдласнас сотіс, Ныв сьӧлӧм сотчис тшӧтш, Кор кыдз пу корйыс потіс, Кор руаліс ю кӧдж, Кор каля няргис-горзіс, Кор пӧльтіс небыд тӧв, Кор мудзис ёль ас горсьыс, Кор тӧлысь кывтіс чӧв. Ме радейтӧмлы эски. Мем немтор эз вӧв жаль. Но эз-ӧ зонмыс сэки Бур шудсӧ ассьыс таль! Ме сэсся-й вуні сылӧн, Кыдз быттьӧ эг и ло, — Эз, зонмыс сьӧлӧм кылӧм Эз ме ног гӧгӧрво. «Прӧщайт! — ме сэки шуи Том кыдз пулы. — Прӧщайт!» Мый сьӧлӧм пытшкын нуи. Бӧр вайны ме эг чайт. ...Том кыдз пу дорын ӧні Ме сулала рытсёр. Виж коръяс гылалӧны — Дзик быттьӧ ковтӧмтор. Тан оз нин горзы каля, Оз пӧльт нин небыд тӧв. И сӧмын важ туй тальӧ — Век кывтӧ тӧлысь, чӧв.
Гижӧд
«Прӧщайт!» — ме сэки шуи...
Жанр: 

lkejrlkelkrgner klrjnelknfrkl ekjnrjkenfrej

1