* * *
Кӧдзыдысла ньӧжйӧ, полігтырйи Ломзис кыа — некодлы эз сор. Лэччис Любук вала Эжва кырйӧд, Сӧстӧм вала лэччис асъядор. Сӧдзӧм сынӧд сэтшӧм кокни вӧліс! Тронякыліс топалыштӧм му. Кӧдзыдысла дзебсьӧма и тӧлыс — Сэтшӧм лӧнь, мый ланьтӧдчӧма ю. Оз тай гыав юыс, оз тай шыав, Быттьӧ помӧдз вӧчис ассьыс мог. Мӧдлапӧвса кыдзьяс кості кыа Том ныв вылӧ дзоргис аслысног, Быттьӧ тӧдіс нывлысь асшӧр дойсӧ, Мый вӧсна зэв вӧлі войыс кузь, Быттьӧ тӧдіс сійӧ, арся войсӧ Мыйла миян Любукным эз узь, Быттьӧ кӧсйис кыаыс, мед нылыс Жугыльтчыны ёнасӧ эз мӧд. Коді вӧчис сьӧлӧм дойсӧ сылы — Шоныдлунсӧ ачыс мед оз тӧд. Лэдзис Любук видзӧдлассӧ муас. Изъяс вылӧ тувччис сійӧ, мед Гумовтны сӧдз васӧ арся юысь, Сӧмын тай эз тёльскӧм шы сэсь шед. Ведра дорыш вочаасис йикӧд, Коді юсӧ дорӧма. И вот — Тулысӧдз веж гыкӧд орис йитӧд. Ва да енэж костын — йиа от. Сідзкӧ, сідз и колӧ, сідз и колӧ: Кад да вӧр-ва ладмӧдчӧны пыр. Нуӧ асьсӧ ю — и кывтӧ олӧм. Кывтӧ олӧм — берегыс оз кыр. Ныв син водзын быттьӧ мыйкӧ вежсис. Кайис тыра ведраясӧн кор, Кайигчӧжыс мӧвпаліс ас кежсьыс — Мӧвплӧн визьыс оз тай другӧн ор. Ланьтіс ю — и гожся сер эз коль сэн. Морӧсын жӧ нэм оз ӧвсьы гы... Ведраясын йи торъяслӧн гольскӧм — Локтысь тӧвлӧн аслыспӧлӧс шы.
Гижӧд
Кӧдзыдысла ньӧжйӧ, полігтырйи...
Жанр: 

lkejrlkelkrgner klrjnelknfrkl ekjnrjkenfrej

1