* * *
Э. Ванеевлы                  

Мозын пӧлӧн ветлӧ ар нин ӧд:
Ыркыд новлӧ сьӧрысь.
Бурсьыс муыслы куш зарниӧн
Мынтӧ коръя вӧрыс.

Вӧрыс кок чунь йылас быттьӧкӧ,
Личыд лоис сылы.
И быд вежсьӧм пуктан пыдди тэ
Тӧдса прӧсек вылын.

Довган-мунан аслад овмӧсті
Арся енэж улын.
Кужан бара сетны, ковмас кӧ,
Донсӧ тэ быд пулы.

Вӧрыс — кузяла и вомлала,
Пытшкӧсад и ортсын,
Сійӧн кыпыда тэ восьлалан,
Сійӧн вошлан гортсьыд.

Пырӧ вежӧрӧ и кывбурӧ
Вӧрлӧн асшӧр мичыс.
Босьт кӧть ставнас сійӧс сывтырйӧ —
Ловлы сӧмын личыд.