ЫВЛАЫС РЕЙСӦ ЧУКСАЛӦ
Быд пӧлӧс думъяс локтӧны, Стен бердӧ найӧс ляскы. Тэн сьӧкыд. Но эскан докторлы, Мый кокньӧдас аски. Еджыдӧсь йирк и шебрасыд. Чужӧмыд, со тай, виртӧм, И, быттьӧкӧ ӧвтчан гебъясысь, Пӧсь кымӧстӧ ниртан. Ружӧктан — асьтӧ кутӧмӧн. Бара палата гортӧм. Но коркӧ ӧд — тӧдлі кутшӧмӧн — Бӧр воӧдчан гортӧ. Ывлаыс рейсӧ чуксалӧ. Джын туяд рейс эз орлы. Кор дзоньвидзалуныд буксуйтлӧ — Тэд кык шог, шофёрлы. Шонтан больничнӧй койкасӧ Мольӧдӧм пуклӧс пыдди. Спидометрыд вӧлӧсть костъяссӧ Оз лыддьы, оз лыддьы. Визлалӧ зэрыс ӧшиньӧд, Быттьӧ кабина водзӧд. Но поводдя тэнӧ грӧш мында Эз эськӧ и повзьӧд. Фронт пыр кӧ мунлін — сідзкӧ нин Вӧчлӧмыд рейстӧ адас. Важ дойясыс ӧні личкӧны, Ӧд косавлӧ кадыс. Смертьыс мед асьсӧ октӧдлӧ. Сытӧг на талун дзескыд. Эн эскы кӧ эськӧ докторлы, И аслыд эн эскы. Бурдан на — трактыд томнавтӧм. Правоыд аслад корӧ: А кыдзи нӧ рейстӧ помавтӧг? Збыль, помавны колӧ.
Гижӧд
Ывлаыс рейсӧ чуксалӧ
Жанр: 

lkejrlkelkrgner klrjnelknfrkl ekjnrjkenfrej

1